મહેસાણા અર્બન બેંકના ડિરેક્ટરના આપઘાત કેસમાં IPS અને PSI સામે થયેલા આરોપની તપાસ શરૂ

by ND

મહેસાણાના હાઈપ્રોફાઈલ સ્યૂસાઈડ કેસમાં જિલ્લા પોલીસ વડા અચલ ત્યાગી (Achal Tyagi IPS) સહિત કેટલાંક પોલીસ અધિકારીઓ દોડતા થઈ ગયા છે. જિલ્લા પોલીસ વડા અચલ ત્યાગી અને મોઢેરા પીએસઆઈ એસ.જે.રાઠોડ (PSI S J Rathod) સામે મૃતક કિરીટ પટેલે સ્યૂસાઈડ નોટ (Suicide Note) માં અતિ ગંભીર આરોપ લગાવ્યા છે. ગુજરાત વિધાનસભા-2022માં BJP માંથી MLA ની ટિકિટ અપાવવાની લાલચ આપી 2.40 કરોડની ઠગાઈ કરનારા 5 શખ્સો ઉપરાંત આરોપીઓને છાવરનારા મહેસાણા SP, મોઢેરા PSI સહિતના પોલીસ અધિકારીઓ સામે તપાસનો ધમધમાટ શરૂ થઈ ગયો છે.

2 કરોડ 40 લાખ 50 હજાર રૂપિયાની છેતરપિંડીના મામલામાં મહેસાણા અર્બન બેંક (Mehsana Urban Bank) ના ડિરેક્ટર કિરીટ પટેલે પોલીસ કાર્યવાહી નહીં થતી હોવાથી જીવન ટૂંકાવી લીધું છે. મરતા પહેલાં કિરીટભાઈએ લખેલી સ્યૂસાઈડ નોટમાં મહેસાણા જિલ્લા પોલીસ વડા અચલ ત્યાગી અને મોઢેરા PSI એસ.જે.રાઠોડે આરોપીઓ પાસેથી રૂપિયા લીધા હોવાનો આરોપ લગાવ્યો છે. કિરીટ પટેલના આપઘાતની જાહેરાત થતાં બેચરાજી પોલીસે ગુનો નોંધ્યો હતો અને આ કેસની તપાસ ઊંઝા PI ને સોંપવામાં આવી હતી. IPS અને PSI સામે અતિ ગંભીર આરોપ લાગ્યા હોવાથી ગાંધીનગર રેન્જ આઈજી (Gandhinagar Range IG) અભય ચુડાસમા (Abhay Chudasama IPS) એ આ કેસની તપાસ જિલ્લા બહાર કરવા આદેશ કર્યો છે. સાબરકાંઠા હેડ કવાટર્સ ડીવાયએસપી પાયલ સોમેશ્વરે (Dysp Payal Someshvar) આ કેસના દસ્તાવેજો મેળવી લઈ મૃતકના પરિવારજનો સહિતના નિવેદન નોંધવાની તેમજ ફરાર આરોપીઓને ઝડપી લેવા કાર્યવાહી શરૂ કરી છે.

Related Posts

Leave a Comment