દિલ્હીમાં ખજાનો લૂંટાયો, જ્વેલરીના શોરૂમમાંથી છત તોડી 25 કરોડની ચોરી

રાજધાની દિલ્હીમાં ચોરીની એક મોટી ઘટનાને અંજામ આપવામાં આવ્યો છે. દિલ્હીના ભોગલ વિસ્તારમાં સ્થિત ઉમરાવ જ્વેલરમાં મોડી રાત્રે 25 કરોડ રૂપિયાની ચોરીની ઘટના બની હતી. એવું કહેવામાં આવી રહ્યું છે કે ચોરો દિવાલમાં છિદ્ર બનાવીને શોરૂમના સ્ટ્રોંગ રૂમમાં પહોંચ્યા હતા. રવિવારે આ ચોરી થઈ હોવાની પોલીસને આશંકા છે. હાલ નિઝામુદ્દીન પોલીસ સ્ટેશને ઘટનાસ્થળે પહોંચી તપાસ શરૂ કરી છે. શોરૂમમાં લાગેલા સીસીટીવી કેમેરાની ચકાસણી કરવામાં આવી રહી છે.શોરૂમ માલિકના જણાવ્યા મુજબ અંદાજે 20 થી 25 કરોડ રૂપિયાની ચોરી આચરવામાં આવી છે. રવિવારે તેણે દુકાન બંધ કરી ત્યાં સુધી કંઈપણ શંકાસ્પદ લાગ્યું ન હતું. સોમવારે શોરૂમ બંધ રાખવામાં આવ્યો છે. મંગળવારે સવારે જ્યારે શોરૂમ ખુલ્યો ત્યારે સૌ સ્તબ્ધ થઈ ગયા હતા. સ્ટ્રોંગ રૂમની નજીક શોરૂમની દિવાલમાં મોટું કાણું જોવા મળ્યું હતું.છત અને દિવાલમાં કાણું પાડ્યા બાદ ચોર અંદર પહોંચ્યા હતા. તેણે શાંતિથી આ ચોરીને અંજામ આપ્યો છે. કારણ કે ચોર સોના-ચાંદીની મોટાભાગની કિંમતી વસ્તુઓ લઈ ગયા છે. શોરૂમના માલિકે જણાવ્યું છે કે કેટલો સામાન ખોવાઈ ગયો છે તેની ગણતરી તેઓ હજુ કરી શક્યા નથી, પરંતુ ચોરો રૂ. 20 થી 25 કરોડના દાગીનાની ચોરી કરી ગયા હોવાનું અનુમાન છે.પોલીસ હાલમાં સીસીટીવી ફૂટેજને સ્કેન કરવામાં વ્યસ્ત છે. શોરૂમ આ ઉપરાંત નજીકના લોકો અને શોરૂમના સ્ટાફની પણ પૂછપરછ કરવામાં આવી રહી છે. પોલીસે કહ્યું છે કે તેઓ ટૂંક સમયમાં આરોપીઓ વિશે કડીઓ શોધી લેશે.