ભાવનગર : જુનિયર કલાર્કની પરીક્ષામાં ડમી વિદ્યાર્થીઓ બેસાડી કૌભાંડ કરનાર 36 માંથી 4 ની ધરપકડ

ગુજરાત રાજ્યમાં ગણતરીના દિવસો પહેલા જ યોજાયેલી જુનિયર કલાર્કની સપર્ધાત્મક પરીક્ષાની કસોટીમાં ભાવનગર અને બોટાદ જિલ્લામાં આવેલા ગામડાઓના 36 થી વધુ વિદ્યાર્થીઓએ શોર્ટકટમાં પરીક્ષા પાસ કરવા માટે ગેરનીતિ આચરી હતી. મૂળ અને ઓરીજનલ વિદ્યાર્થીના સ્થાને બોગસ, ડમી વિદ્યાર્થીઓને બેસાડી કૌભાંડ આચરવામાં આવ્યું હતું. આ ઘટના બહાર આવતાની સાથે જ ભારે ચકચાર મચી ગયો છે. ભાવનગર પોલીસે હાલ 36 પૈકી 4 લોકોની ધરપકડ કરી છે,

પરીક્ષામાં કૌભાંડ કરનાર 36 લોકો સામે ફરિયાદ

સમગ્ર બનાવ અંગે જાણવા મળતી વિગતો અનુસાર રાજ્યમાં જુનીયર કલાર્કની પરીક્ષાને લઈને ઉદ્દભવેલ વિવિધ વિવાદો જાણે કોઈ પણ ભોગે શમવાનુ નામ જ ન લઈ.રહ્યાં હોય તેમ એક બાદ એક અવનવા ફણગાઓ ફૂટવા સાથે પેપર લીક થવાની વાત થી લઈને ડમી વિદ્યાર્થી બેસાડી પરીક્ષા આપવા સુધીના કૌભાંડોએ સૌવનુ ધ્યાન કેન્દ્રિત કર્યું છે ત્યારે તાજેતરમાં આ પરીક્ષા સમગ્ર રાજ્યમાં જાંબાઝ આઈપીએસ અધિકારી અને ભાવનગરના પૂર્વ એસપી હસમુખ પટેલની રાહબરી હેઠળ યોજાઈ હતી જેમાં પરીક્ષા પૂર્વ વિદ્યાર્થી આગેવાનના નેતા એ ભાવનગર જિલ્લામાંથી ગેરરીતિ અંગે અધિકારી ને અવગત કરાવ્યા હતાં જેમાં અતિ ગોપનીયતા સાથે પોલીસ તપાસ કરી રહી હતી જેમાં બારીકાઈ પૂર્વકની તપાસમાં ભાવનગર જિલ્લાના તળાજા તાલુકાના ગામડાના તથા બોટાદ જિલ્લાના ગામડાઓના ઉમેદવારોએ મૂળ તળાજા તાલુકાના વતની અને કૌભાંડના મુખ્ય સૂત્રધ્ધાર શરદ ભાનુશંકર પનોત તથા પ્રકાશ ઉર્ફે પીકે કરશનભાઇ દવે એ વિદ્યાર્થીઓ ની હોલ ટીકીટો સાથે ટેકનોલોજીના ઉપયોગ થકી ચેડાં આચરી મૂળ વિદ્યાર્થીઓ ના સ્થાને ડમી વિદ્યાર્થીઓ બેસાડી રૂપિયાની કમાણી કરી કૌભાંડ આચર્યું હોવાનું બહાર આવ્યું હતું આથી પોલીસે 35થી વધુ આરોપીઓ વિરુદ્ધ ભાવનગર શહેરના ભરતનગર પોલીસ સ્ટેશનમાં ફરિયાદ દાખલ કરી ઉંડાણ પુર્વકની તપાસનો ધમધમાટ વેગવંતો કર્યો છે આ ઘટનાને પગલે પરીક્ષાનો મુદ્દો લોકમુખે અગ્રતમ ચર્ચાઓનો વિષય બન્યો છે.

ઝડપાયેલા ચાર શખ્સોના નામ
શરદકુમાર સ/ઓ ભાનુશંકર શાંતિભાઈ પનોત (ઉં.વ.34 રહે.તળાજા), પ્રકાશ ઉર્ફે પી.કે. કરસનભાઈ દવે (ઉ.વ.35 રહે.પીપરલા તળાજા), બળદેવ રમેશભાઈ રાઠોડ (ઉ.વ.29 રહે.ગામ દિહોર તળાજા) અને પ્રદીપ નંદલાલભાઈ બારૈયા (ઉ.વ.33 રહે.દેવગણા સિહોર) ચાર શખ્સોને પોલીસે ઝડપી લીધા હતા.

આ લોકો સામે નોંધવામાં આવ્યો ગુનો