પ્રખ્યાત ડાયરેક્ટર યશ ચોપરાની પત્ની અને રાની મુખર્જીની સાસુ પામેલા ચોપરાનું નિધન થયું છે. તમને જણાવી દઈએ કે તેમણે 74 વર્ષની વયે અંતિમ શ્વાસ લીધા હતા. આ સમાચાર સાંભળીને સિનેમા જગતમાં શોકની લહેર છે. વિગતો મુજબ તે છેલ્લા 15 દિવસથી મુંબઈની લીલાવતી હોસ્પિટલમાં દાખલ હતી અને ડૉક્ટરોએ તેમને વેન્ટિલેટર પર રાખ્યા હતાં. તમને જણાવી દઈએ કે, તે ફિલ્મ નિર્માતા આદિત્ય ચોપરા અને અભિનેતા ઉદય ચોપરાની માતા અને રાની મુખર્જીની સાસુ છે. તેમના નિધનથી બોલિવૂડ સેલેબ્સ ખૂબ જ શોકમાં છે.
યશરાજ ફિલ્મ્સે પામેલા ચોપરાના મૃત્યુ અંગે એક નિવેદન આપ્યું હતું કે, ચોપરા પરિવારએ જણાવવા ઈચ્છે છે કે, પામેલા ચોપરાનું આજે 74 વર્ષની વય સવારે નિધન થયું છે. તેમના અંતિમ સંસ્કાર આજે સવારે 11 વાગ્યે મુંબઈમાં કરવામાં આવ્યા. અમે તમારી પ્રાર્થના માટે આભારી છીએ અને પરિવાર આ ઊંડા દુઃખમાં ગોપનીયતાની વિનંતી કરવા માંગે છે. પામેલા ચોપરા એક ગાયિકા તેમજ ફિલ્મ લેખક અને નિર્માતા હતા. પામેલા ચોપરાએ 1970માં યશ ચોપરા સાથે લગ્ન કર્યા.
પામેલા ચોપરાએ કભી કભી, દૂસરા આદમી, ત્રિશુલ, ચાંદની, લમ્હે, ડર, સિલસિલા, કાલા પથ્થર, દિલવાલે દુલ્હનિયા લે જાયેંગે અને મુઝસે દોસ્તી કરોગે જેવી ફિલ્મોમાં કામ કર્યું છે.પતિ યશ ચોપરા સહિત ઘણી ફિલ્મોમાં ગીતો ગાયા છે. યશ ચોપરાની 1976માં આવેલી ફિલ્મ કભી કભી તેમના દ્વારા લખવામાં આવી હતી. સિલસિલા જેવી YRFફિલ્મોમાં તેને ડિઝાઇનર તરીકે પણ શ્રેય આપવામાં આવ્યો હતો.
પામેલા ચોપરાના નિધન પર શોક વ્યક્ત કરતા જાવેદ અખ્તરે ટ્વિટ કર્યું કે, આજે શ્રી યશ ચોપરાના પત્ની પામેલા જીનું નિધન થયું છ. તે એક મહાન મહિલા હતી. બુદ્ધિશાળી, શિક્ષિત, રમુજી. મારા જેવા લોકોએ યશ સાથે જોડી બનાવી, પટકથા અને સંગીતમાં તેમના યોગદાનથી વાકેફ છે. તે એક અસાધારણ વ્યક્તિ હતાં.
