News inside/12 may 2023
.. CBSC એ શુક્રવારના રોજ ધોરણ-12નું પરિણામ જાહેર કર્યું છે. બોર્ડ દ્વારા આપેલ જાણકારી અનુસાર આ વર્ષે પરીક્ષામાં બેઠેલા 87.33% વિદ્યાર્થીઓ પાસ થયા છે. આ વર્ષે બોર્ડ દ્વારા પ્રથમ, દ્વિતીય અને તૃતીય વિભાગની માહિતી આપવામાં આવશે નહીં. આ ઉપરાંત મેરીટ લીસ્ટ પણ બહાર પાડવામાં આવેલ નથી. બિનજરૂરી સ્પર્ધા અટકાવવા માટે આ નિર્ણય લેવામાં આવ્યો છે. સૌથી વધુ 99.91% પાસ વિદ્યાર્થીઓ સાથે ત્રિવેન્દ્રમ પ્રદેશ દેશમાં ટોચના સ્થાન પર છે. જેમાં 84.67% છોકરાઓ અને 90.68% છોકરીઓ પાસ થયાં છે. આ વર્ષે છોકરીઓએ છોકરાઓને 6.01% કરતાં પાછળ છોડ્યા છે. વિદ્યાર્થીઓ મોબાઈલ એપ ઉમંગ, ડિજીલોકર અને બોર્ડની વેબસાઈટ પર તેમનું પરિણામ જોઈ શકશે.
વિદ્યાર્થીઓને બિનજરૂરી સ્પર્ધાથી બચાવવા 3 મહત્વપૂર્ણ ફેરફાર
- વિદ્યાર્થીઓના પરિણામ સાથે પ્રથમ, દ્વિતીય અને તૃતીય વિભાગની માહિતી આપવામાં નહીં આવે.
- મેરિટ લિસ્ટ બહાર પાડવામાં આવશે નહીં.
- વિષય પ્રમાણે ટોચના 0.1% વિદ્યાર્થીઓને લાયકાત પ્રમાણપત્ર આપવામાં આવશે.
આ વર્ષે CBSCના ધોરણ-12ના 1,25,705 વિદ્યાર્થીઓ પૂરક પરીક્ષા આપશે. વિદ્યાર્થીઓ 16 મેથી પરિણામની ફોટોકોપી અને પુનઃમૂલ્યાંકન કરાવી શકશે. આ વર્ષે CBSCના ધોરણ-10ના 21,86,940 વિદ્યાર્થીઓ 15 ફેબ્રુઆરીથી 21 માર્ચ દરમિયાન અને ધોરણ-12ના 16,96,770 વિદ્યાર્થીઓએ 15 ફેબ્રુઆરીથી 5 માર્ચ દરમિયાન પરીક્ષા આપી હતી. આમ કુલ 38,83,710 વિદ્યાર્થીઓએ CBSCની પરીક્ષામાં ભાગ લીધો હતો.
SMS દ્વારા પરિણામ કેવી રીતે તપાસવું
• ફોનના મેસેજ બોક્સ પર જવાનું રહેશે.
• ટેક્સ્ટ મેસેજ પર જાઓ અને CBSE 12th ટાઇપ કરો અને જગ્યા આપ્યા વિના રોલ નંબર દાખલ કરો.
• આ બાદ તેને 77388299899 પર મોકલો.
• આપનુ પરિણામ જવાબ સ્વરૂપે પ્રાપ્ત થશે.
સ્કોર કાર્ડ તપાસવા માટે જરૂરી દસ્તાવેજો
• રોલ નંબર
• શાળા નંબર
• જન્મ તારીખ
• એડમિટ કાર્ડ ID
પરિણામ ચકાસણી માટે આ પ્રક્રિયાને અનુસરવાની રહેશે
• CBSE ની સત્તાવાર વેબસાઇટ cbse.gov.in, cbseresults.nic.in પર જવાનુ રહેશે.
• વેબસાઇટના હોમપેજ પર CBSE 12મા પરિણામની લિંક પર ક્લિક કરવું.
• સ્ક્રીન પર એક Login વિન્ડો દેખાશે.
• CBSE 12માં રોલ નંબર દાખલ કરો.
• સ્કોર કાર્ડ સ્ક્રીન પર દેખાશે.
