ડમીકાંડનો ખુલાસો કરનાર યુવરાજસિંહ પર તોડકાંડ ભારે પડી રહ્યું છે.ત્યારે યુવરાજસિંહે ભાવનગરમાં થયેલી 1 કરોડની ડીલનો સીધો સંબંધ દહેગામમાં આવેલા બંગલા સાથે થઈ રહ્યો છે. યુવરાજે આ બંગલો 51 લાખમાં અમદાવાદમાં રહેતા એક શખ્સ પાસેથી ખરીદયો હોવાની ચર્ચા છે.
51 લાખ 11 હજારમાં થયેલા આ સોદામાં યુવરાજસિંહે બંગલાની પુરી રકમ ચુકવવાની બાકી છે
બંગલો વેચનારે આ ખુલાસો કર્યો છે અને જેટલી પણ રકમ ચુકવી છે તે ટુકડે ટુકહે ચુકવી છે બંગલો વેચનારે પોતે બંગલો યુવરાજસિંહને વેચ્યો તેનો વસવસો પણ વ્યકત કર્યો. સરકારી ભરતીની પરીક્ષાઓમાં થયેલા ડમીકાંડનાં ખુલાસાને હવે ગણતરીનાં દિવસોમાં જ એક મહિનો પુરો થશે પરંતુ અત્યાર સુધીમાં યુવરાજસિંહનાં તોડકાંડમાં નવો ખુલાસો થયો છે જે મુજબ યુવરાજસિંહે દહેગામમાં ગાંધીનગર-મોટા ચિલોડા રોડ પર વ્રજ ગોપી રેસીડેન્સી નામની રહેણાંક સ્કીમમાં અડધા કરોડનાં ખર્ચે એક બંગલો ખરીદયો હોવાનો ઘટસ્ફોટ થયો છે.
યુવરાજસિંહે આ બંગલો અમદાવાદનાં ભરતભાઈ દોશીએ વેંચ્યો હોવાનુ બહાર થયેલી તપાસ અને પોલીસને હાથ લાગેલા પુરાવા જોતાં ડમીકાંડ પર તોડકાંડ ભારે પડી રહ્યુ છે. કારણ કે સવાલનાં ઘેરામાં આવેલા યુવરાજસિંહ અને તેના સાથીદારોએ કેવી રીતે લાખો રૂપિયા સગેવગે કર્યા અને કેટલા રૂપિયા મળી આવ્યા તેના તાર ભાવનગરથી છેક દહેગામ સુધી જોડાયેલા હોવાનો દાવો થયો છે. તેમણે જણાવ્યું હતું કે બંગલો ખરીદયા બાદ મને અને મારી પત્નિને કેન્સર થઈ ગયુ હતુ અને બંગલાની લોન ચાલુ હતી. એટલે આર્થિક સંકડામણમાં મેં બંગલો વેચવાની તૈયારી દર્શાવી હતી. હુ વ્યકિતગત રીત યુવરાજસિંહને ઓળખતો નહોતો પણ મારા આ બંગલામાં રહેતા ભાડુઆત સુખદેવસિંહ યુવરાજસિંહને જાણતા હતા. એટલે યુવરાજસિંહને 51 લાખ 11 હજારમાં બંગલો વેચવામાં સહમત થયા હતા. ભરતભાઈ દોશીએ જણાવ્યુ હતું કે યુવરાજસિંહ પાસેથી ટુકડે ટુકડે બંગલાના પૈસા મળ્યા છે.પુરા મળ્યા નથી. મેં યુવરાજસિંહને બંગલો વેચીને મોટી ભુલ કરી છે. અમે હજુ દસ્તાવેજ કે બાનાખત કયુર્ં નથી. ઓન રેકોર્ડ તો આ બંગલો હજુ મારા નામે છે.
